Ońtústik-Shyǵys Eýropanyń iri temirjol operatory Transkaspıı baǵytyna qosyldy
ASTANA. QazAqparat - Rýmynııa men Ońtústik-Shyǵys Eýropanyń iri temirjol jáne logıstıkalyq operatory «Transkaspıı halyqaralyq kólik baǵyty» (THKB) halyqaralyq qaýymdastyǵyna qosyldy, dep habarlaıdy Trend.
Rýmynııalyq BAQ-tardyń jazýynsha, bul THKB-ǵa qosylǵan alǵashqy eýropalyq kompanııa.
Grampet Group prezıdentiniń aıtýynsha, THKB Rýmynııany Eýropa men Azııadaǵy logıstıkalyq platformaǵa aınaldyrýǵa, 100 myń jańa jumys ornyn ashýǵa jáne memlekettik bıýdjetke bir mıllıardtan astam eýro túsirýge múmkindik beredi.
THKB Qytaıdan Eýropaǵa júkter tasymaldaý úshin Qytaı, Qazaqstan, Ázerbaıjan, Grýzııa jáne Túrkııanyń kóliktik-logıstıkalyq kompanııalarynyń bastamasy bolyp tabylady.
Budan buryn «Qazaqstan temir joly» UK» AQ basqarma tóraǵasynyń orynbasary Maqsat Qabashev Trend-ke habarlaǵandaı, THKB-daǵy taýar aınalymynyń ósý áleýeti 2020 jylǵa qaraı 646-dan 922 mıllıard dollarǵa deıin artady, bul 300 myń konteınerdi quraıdy.
