Ońtústik-Shyǵys aımaqtyq kólik prokýratýrasynda jańa zańdardyń normalary talqylandy
ASTANA. Qańtardyń 15-i. QazAqparat - Ońtústik-Shyǵys aımaqtyq kólik prokýratýrasynda aýdandyq kólik prokýratýralary, sot organdary qyzmetkerleri, sondaı-aq, Almaty-1 stansysy jelilik ishki ister bóliminiń tergeýshileri men Almaty qalasy boıynsha Qarjy polıtsııasy departamenti ókilderiniń qatysýymen semınar-májilis ótti.
Bul aqparatty QR Bas prokýratýrasynyń baspasóz qyzmeti taratyp otyr.
«Semınar barysynda «Qazaqstan Respýblıkasynyń Qylmystyq, Qylmystyq is júrgizý jáne Azamattyq is júrgizý kodeksterine sot júıesin jetildirý máseleleri boıynsha ózgerister men tolyqtyrýlar engizý týraly» jańa zańy talqylandy», delingen baspasóz habarlamasynda.
Sonymen birge alqaly jıynda «Qylmystyq is júrgizý kodeksine sotqa deıingi jeńildetilgen is júrgizý máseleleri boıynsha ózgerister men tolyqtyrýlar engizý týraly» zańynyń normalary túsindirildi.
