Ońtústik shekaralardaǵy keden organdarynyń kadrlar quramyn kúsheıtý úshin taǵy 500 qyzmetker jiberiledi
ASTANA. 6 maýsym. QazAqparat /Aıdar Ospanalıev/ - Ońtústik shekaralardaǵy keden organdarynyń kadrlar quramyn kúsheıtý úshin 2010 jyldyń 1 naýryzynda qazaqstan-reseı shekarasynan Keden odaǵynyń qazaqstandyq bóligindegi ishki keden shekarasyna jeke quramnan 133 qyzmetker aýystyrylǵan.
Ústimizdegi jyldyń 1 shildesine deıin ońtústik shekaralarǵa 500 qyzmetkerdi jiberý josparlanyp otyr. Bul týraly búgin jýrnalıstermen bolǵan baspasóz-máslıhatynda Qarjy mınıstrligi Kedendik baqylaý komıteti tóraǵasynyń orynbasary Igor Ten málim etti.
Onyń sózine qaraǵanda, Qazaqstan Respýblıkasynyń soltústik shekarasynan ońtústik ólkelerge aýystyrylǵan keden organdarynyń qyzmetkerlerine 2010 jyly Qorǵasta 18 páterlik turǵyn úı salynyp berildi. Bıylǵy jylǵa qyzmettik maqsattaǵy 478 páter salyný josparlanǵan.
