Ońtústik Osetııanyń Ortalyq saılaý komıssııasy Leonıd Tıbılevti respýblıkanyń saılanǵan prezıdenti dep jarııalady

Ortalyq saılaý komıssııasynyń tóraıymy Bella Plıeva MQK-niń burynǵy basshysy Leonıd Tıbılovty Ońtústik Osetııanyń saılanǵan prezıdenti dep jarııalady. Tıbılovqa saılaý tizimderine engizilgen saılaýshylardyń 54,12 paıyzy daýys berdi.

Plıevanyń aıtýynsha, «prezıdenttikke kandıdatqa jeńiske jetý úshin basqa kandıdat pen «barlyǵyna qarsydan» kóp daýys alý qajet» boldy.

«Leonıd Tıbılov 54,12 paıyz daýys jınady, bul basqa kandıdat Davıd Sanakoevtyń alǵan 42,65 paıyz daýysy pen barlyǵyna qarsy daýys bergenderdiń jınaǵan 0,96 paıyzynan kóp boldy. Osylaısha Leonıd Tıbılov Ońtústik Osetııa Respýblıkasynyń saılanǵan prezıdenti bolyp esepteledi», - dedi Plıeva.

Tıbılovtyń jeńisi bir kún buryn anyq bolǵan edi, OSK-nyń tóraıymy Plıeva prezıdentke kandıdatty barlyq daýystardyń sanalýyn kútpeı-aq quttyqtady. Tıbılovtyń shtaby jeńisti atap ótip úlgerdi. Prezıdentke kandıdat Davıd Sanakoev óziniń opponentiniń jeńisin moıyndap, saılaý qorytyndylaryna narazylyq bildirmeı, saıası partııa quratyny týraly málimdedi.

Prezıdenttiń ulyqtaý rásimi resmı qorytyndylar jarııalanǵan soń onynshy kúni, boljam boıynsha 21 sáýir kúni ótedi.