Ońtústik Osetııa úkimeti otstavkaǵa ketti
ASTANA. 20 qańtar. QazAqparat - Ońtústik Osetııa Prezıdenti Leonıd Tıbılov respýblıka úkimetiniń jumysyna kóńili tolmaǵandyqtan Mınıstrler kabınetin otstavkaǵa jiberdi.
«Bir jarym jyldyń ishinde úkimet aldyna qoıylǵan maqsattardy oryndaı almady. Atap aıtqanda, respýblıkany qalpyna keltirý úderisi men áleýmettik-ekonomıkalyq damý máselelerin tıisti deńgeıde sheshe almady, sondaı-aq shoǵyrlanyp jumystardy atqarýǵa qaýqarsyz boldy»,- dedi dúısenbidegi keńeste Tıbılov. Prezıdenttiń Jarlyǵyna sáıkes, Mınıstrler kabınetiniń basshysy qyzmetin ýaqytsha atqarýǵa Domentı Kýlýmbegov taǵaıyndaldy. Ol buǵan deıin birinshi vıtse-premer qyzmetin atqarǵan.
