«Ońtústik» óńirlik qolbasshylyǵynyń burynǵy basshysy qamaýǵa alyndy

NUR-SULTAN. QazAqparat – Jambyl oblysynyń Baızaq aýdanyndaǵy jarylysqa qatysty «Ońtústik» óńirlik qolbasshylyǵynyń burynǵy qolbasshysy qamaýǵa alyndy, dep habarlaıdy QazAqparat tilshisi QR Іshki ister mınıstrliginiń baspasóz qyzmetine silteme jasap.

«19 sáýirde prokýratýramen kelisim boıynsha Jambyl oblysy Baızaq aýdany Sarakemer kentindegi órt pen jarylys faktisi boıynsha qylmystyq is aıasynda qylmystyq kodekstiń 453-baby boıynsha kúdikti dep tanylyp, «Ońtústik» óńirlik qolbasshylyǵynyń burynǵy qolbasshysy ýaqytsha ustaý ızolıatoryna qamaldy», - delingen mınıstrlik taratqan habarlamada.

Eske sala ketsek, bıyl 15 naýryzda Memleket basshysynyń ókimimen Qaıdar Sámıǵollauly Qaraqulov «Ońtústik» óńirlik qolbasshylyǵy áskerleriniń qolbasshysy laýazymynan bosatyldy.

Onyń ornyna Mereke Kúshikbaev «Ońtústik» óńirlik qolbasshylyǵy áskerleriniń qolbasshysy boldy.