Ońtústik óńirlerdi damytý jóninde Úkimetke berilgen 44 tapsyrmanyń 32-si oryndaldy - Almatydaǵy keńes
ALMATY. 27 naýryz. QazAqparat - Ońtústik óńirlerdi damytý jóninde Úkimetke berilgen 44 tapsyrmanyń 32-si oryndaldy.
Bul týraly Qazaqstan Respýblıkasy Premer-Mınıstriniń birinshi orynbasary - Óńirlik damý mınıstri Baqytjan Saǵyntaev búgin Almatyda Elbasynyń Ońtústik óńirlerdiń ákimderimen ótkizgen keńesinde aıtty.
«2012 jyldyń mamyr aıynda Taraz qalasynda Ońtústik óńirlerdi damytý máselesi boıynsha keńeste Úkimetke 44 tapsyrma bergen bolatynsyz. Búgingi kúni onyń 32-si oryndalyp, sheshimin tapty. Qalǵan 12 tapsyrma uzaq merzimdik basymdyqta tur. ıAǵnı, olar boıynsha sheshim shyǵarý ýaqyty jetken joq dedi»,-B. Saǵyntaev.
Onyń aıtýynsha, atqarylǵan jumystardyń mańyzdylarynyń qatarynda atap ótetin bolsaq, qazaqstandyq qamtý jóninde jetkilikti sharalar qabyldaý boıynsha tapsyrma - eń úlkeni. Úkimet bul oraıda tıisti zańnamalyq baza jasap, Parlament ony qabyldady. Onda, qazaqstandyq qamtý boıynsha erejelerge ózgerister engizildi. Óndiristiń naqty tizbegi belgilenip, monıtorıng júrgizý birqalypty júıege keltirildi.
Al, ınfraqurylymdyq jobalarǵa kelsek, Beıneý-Bozoı gaz qubyry qurylysy birinshi kezeginiń 80 paıyzy oryndaldy.
