Ońtústik óńirde shekaradan taýarlardy zańsyz tasymaldaýǵa jol bermes úshin, turǵyndar arasynda túsindirý sharalaryn júrgizý kerek - Ó. Shókeev
aýryzdyń 9-y. QazAqparat /Rýslan Ǵabbasov/ - Búgin Úkimet otyrysynda Premer-Mınıstrdiń birinshi orynbasary Ómirzaq Shókeev Keden odaǵy talaptaryna sáıkes Ońtústik óńirde shekaradan taýarlardy zańsyz tasymaldaýǵa jol bermes úshin, turǵyndar arasynda tıisti túsindirý sharalaryn júrgizý kerektigin aıtty,
dep habarlaıdy QazAqparat.
Osyǵan baılanysty Ó. Shókeev Ońtústik Qazaqstan jáne Jambyl oblystarynyń ákimderi ár aptada shekaralas aımaqtarǵa baryp, tıisti túsindirý sharalaryn júrgizý kerektigin qadap aıtty. «Ákimder osy turǵyda bul ákimshilik shekara emes, memlekettik shekara ekendigin túsindirýi shart», dedi Premer-Mınıstrdiń orynbasary.
«Túsindirý sharalaryn ár apta saıyn aǵymdaǵy tizimge engizý kerek. Atap aıtqanda, ákimder shekarashylarmen, kedenshilermen jergilikti jerlerde barlyq tıisti sharalardy atqarýy kerek», dedi Ó. Shókeev.
Sonymen qatar Úkimet otyrysynda Premer-Mınıstr Kárim Másimov búgin arnaıy uıymdastyrylatyn keńeste Keden odaǵy máseleleri qaralatynyn jetkizdi.
Aıta keteıik, Keden odaǵy quramyndaǵy Reseı jáne Belarýs memleketteri elimizdiń ońtústik óńirleri arqyly taýarlardyń zańsyz kirmeýine baılanysty tıisti sharalardy atqarýdy usynǵan bolatyn. Osyǵan baılanysty QR Úkimeti búginde Ońtústik Qazaqstan jáne Jambyl oblystarynda tıisti sharalardy atqaryp jatyr.
