Ońtústik oblystarǵa qosymsha 5 mlrd. tekshe metr gaz jetkiziledi - S. Myńbaev

ASTANA. 8 qazan. QazAqparat - 2016 jylǵa qaraı elimizdiń ońtústik aımaqtaryna jetkiziletin gazdyń kólemi 5 mlrd. tekshe metrge artady.

Bul týraly búgin «KAZENERGY» qaýymdastyǵynyń VIII Eýrazııalyq energetıkalyq forýmynda «QazMunaıGaz» ulttyq kompanııasynyń basqarma tóraǵasy Saýat Myńbaev málim etti.

«Ótken jyldyń jeltoqsan aıynda «Qazaqstan - Qytaı» gaz qubyrynyń qurylysy aıaqtalyp, iske qosylǵan bolatyn. Onyń syıymdylyǵy jylyna 30 mlrd. tekshe metr gazdy quraıdy. Osy ýaqytqa deıin atalǵan qubyrdyń eki baǵyty boıynsha Qytaıǵa 60 mlrd. tekshe metrden astam gaz jetkizildi. Búginde qubyrdyń úshinshi baǵytyn salý jumystary bastaldy. Ony 2016 jyly iske qosý josparlanǵan. Sonyń arqasynda biz bir jylda qosymsha 25 mlrd. tekshe metr gazdy tasymaldaı alamyz. Ol gazdyń 5 mlrd. tekshe metri elimizdiń ońtústik aımaqtaryna jetkizilmek», - dep atap kórsetti S.Myńbaev.