Ońtústik Qytaıda «Koppý» taıfýny saldarynan 3 adam qaza bolyp, 4 adam iz-túzsiz joǵalyp ketti
ASTANA. Qyrkúıektiń 17-si. QazAqparat - Ońtústik Qytaıdaǵy Gýandýn provıntsııasynda «Koppý» taıfýny saldarynan 3 adam qaza bolyp, 4 adam iz-túzsiz joǵalyp ketti. Bul týraly provıntsııanyń sý tasqynymen jáne qurǵaqshylyqpen kúresý qyzmetiniń habarlamasynda aıtylǵan.
Qaza tapqan úsheý - Lodın qalasynyń mańyndaǵy Chýanbý aýylynyń turǵyndary, dep habarlaıdy ITAR-TASS agenttigi
Aǵymdaǵy jyly osymen 15-inshi ret bolyp otyrǵan taıfýn Ońtústik Qytaıǵa nóser jaýyn ákelip otyr. ıAnchýn, Sını jáne Lodın qalalarynda laı kóshkininen birneshe úı qulaǵan. Gaolan aılaǵynda teńiz qaırańǵa panamalyq jalaýly kemeni shyǵaryp tastap, 50 tonna otyn jaǵalaýǵa tógilgen. Sınhýa agenttiginiń habarlaýynsha, aılaq qyzmetteri teńiz ónimderin ósirýmen aınalysatyn tóńirektegi fermalarǵa tógilgen maıdyń taralýyna jol bermeýge tyrysyp baǵýda.
