Ońtústik-Qytaı teńizindegi aýmaqtyq daý-damaılar - ASEAN-nyń jiti nazarynda
BEIJІŃ. 20 qarasha. QazAqparat - Qytaı men Ońtústik-Shyǵys Azııa elderi qaýymdastyǵynda (ASEAN - Association of SouthEast Asian Nations) barlyq problemalardy,
sonyń ishinde aýmaqtyq kelispeýshilikter men teńizdik quqyqtardy syrtqy aralasýynsyz sheshýge danalyq pen múmkindikter bar.
Bul týraly keshe Kambodjanyń Pnompen qalasynda ótken Qytaı- ASEAN 15-shi sammıtinde qytaılyq premer Ven Tszıabao málim etti.
Sammıt qorytyndysy boıynsha ASEAN basshylary Ońtústik-Qytaı teńizi máselesinde ınternatsıonaldandyrýǵa jol bermeýge kelisti jáne Ońtústik-Qytaı teńizinde Taraptardyń is-áreketi deklaratsııasyna qol qoıylýyna baılanysty birlesken málimdemeni jarııalady.
Ekonomıkalyq yntymaqtastyqtyń ósýine qaramastan, Qytaı men ASEAN elderi, atap aıtqanda, Fılıppın, Vetnam, Malaızııa men Brýneı arasyndaǵy Ońtústik-Qytaı teńizindegi araldardyń egemendigine qatysty narazylyqtar 2009 jyldan bastap shıelenisterdiń órshýine alyp keldi.
2010 jyly Qytaı- ASEAN Erkin saýda aımaǵy týraly kelisim óz kúshine endi.
