Ońtústik Qytaı teńizinde keme sýǵa batyp ketti, qutqarýshylar 16 adamdy izdestirýde
ASTANA. QazAqparat - Vetnam jaǵalaýyndaǵy Ońtústik Qytaı teńizinde Malaızııadan Qytaıǵa alıýmınıı kenin tasymaldap kele jatqan júk kemesi aýdarylyp, sý astynan batyp ketti. Saldarynan ekıpajdyń eki múshesi qaza taýyp, 16 adam iz-tússiz joǵalyp ketti.
Bul týraly RIA «Novostı» habarlady.
Apat vetnamdyq Výngtaý qalasynan ońtústikke qaraı 150 mıl jerde oryn alǵan.
«Іzdeý sharalary qarqyndy rejımde ótýde, alaıda oqıǵa ornyndaǵy aýa raıy óte aýyspaly, bul qutqarý qyzmetteriniń jumysyna kedergi keltirýde. Keme shamadan tys artylǵandyqtan jáne aýa raıy jaǵdaıynyń turaqsyz bolýy saldarynan batýy múmkin», - dep málimdedi ol.
Onyń aıtýynsha, Gearbulk kompanııasynyń kemesinde 46 tonnaǵa jýyq boksıt bolǵan. Ekıpaj 19 adamnan turady, olardyń barlyǵy - Fılıppın týmalary. Qutqarý qyzmetiniń ókili qaza tapqandardyń arasynda kemeniń kapıtany bar ekenin aıtty, taǵy bir adamdy Japonııa jaǵalaýdaǵy kúzet ókilderi qutqardy.
Bolǵan oqıǵanyń egjeı-tegjeıleri anyqtalý ústinde.
