Ońtústik Koreıanyń úkimet basshysy jemqorlyqqa qatysty daýdan keıin otstavkaǵa ketý týraly ótinish bildirdi
ASTANA. QazAqparat - Joǵary laýazymdy sheneýnikterge para bergenin aıtyp, ózine qol jumsaǵan kásipkerdiń óliminen keıin Ońtústik Koreıa premer-mınıstri Lı Van Gý otstavkaǵa ketý týraly ótinish bildirdi, dep habarlady «VVS» agentti.
Renhap agenttiginiń habarlaýynsha, Lı ótinishin el prezıdenti Pak Kyn He atyna joldaǵan. Alaıda, Úkimet basshysynyń otstavkasy týraly sheshim qabyldanǵan joq. Lı Van Gý óziniń para almaǵanyn málimdedi.
Pak oqıǵaǵa kinálilerdi jazalaýǵa ýáde berdi. Ol buǵan deıin bılik organdarynda sybaılas jemqorlyqpen kúresetinin aıtqan.
Káris kásipkeri Sýn Van Chon tamyz aıynyń basynda asylyp óldi. Ózine qol jumsardyń aldynda ol eldegi joǵary bılik organdaryndaǵy sybaılas jemqorlyq týraly suhbat bergen.
Kásipkerdiń qaltasynan prezıdentke jaqyn birneshe saıasatkerdiń esimi jáne olardyń Sýnnan para retinde alǵan aqsha somalary jazylǵan hat tabyldy. Tizimde 27 myń dollarǵa jýyq para alǵan premerdiń de esimi bar delingen aldyn ala belgili bolǵan aqparatta.
