Ońtústik Koreıanyń shekara beketine KHDR oq jaýdyrdy
SEÝL. RENHAP-QazAqparat – Ońtústik Koreıadaǵy qarýsyzdandyrylǵan shekara postyna KHDR oq jaýdyrdy, dep habarlaıdy QazAqparat Renhap agenttigine silteme jasap.
Renhaptyń bul aqparatyn shtab basshylary komıteti rastady. Ońtústik Koreıa KHDR-ge eskertý jasap, jaýap retinde oq atýǵa májbúr boldy.
Komıtet málimeti boıynsha, KHDR jergilikti ýaqytpen 7:41 shamasynda Chhorvon shekara qalasy mańynda oq atqan.
Ońtústik Koreıa zardap shekkender men zaqymdalǵan obektiler týraly habarlaǵan joq. Oqıǵadan keıin Ońtústik Koreıa áskerıleri radıo arqyly eskertý jiberip, eki ret jaýap retinde qarsy oq jaýdyrǵanyn rastady.
«Biz oqıǵanyń anyq-qanyǵyn bilip, osyndaı jaıtty endi boldyrmas úshin koreıaaralyq baılanysty iske qosyp jatyrmyz. Sonymen qatar, daıyn otyrmyz», - dep málimdedi komıtet ókili.
