Ońtústik Koreıanyń Premer-Mınıstri qyzmetinen ketpek
ASTANA. Shildeniń 29-y. QazAqparat - Ońtústik Koreıanyń Premer-Mınıstri Chon Ýn Chhan el prezıdentine qyzmetinen bosatý jóninde resmı ótinish túsirdi, dep habarlady RBK agenttigi.
Úkimet basshysy zań shyǵarýshy jınalystyń ulttyq astana - Seýlge qosymsha jańa ákimshilik ortalyǵyn qurý josparynan bas tartý jónindegi onyń usynysyn qoldamaǵannan keıin osyndaı qadamǵa baryp otyr.
Chon Ýn Chhan budan buryn beıresmı túrde óziniń qyzmetten ketetinin bildirgen edi, biraq Ońtústik Koreıanyń prezıdenti Lı Men Bak ony qabyldaýdan bas tartty.
Memleket basshysy qandaı sheshim qabyldaıtyny ázirge belgisiz.
Chon Ýn Chhan úkimet basshysy qyzmetine ótken jyldyń qyrkúıeginde taǵaıyndaldy, ol bılikke akademııalyq toptan keldi. Ol burynǵy koreıalyq úkimettiń Seýlden 160 shaqyrym jerde "Sechjon" jańa ákimshilik ortalyǵyn salý týraly sheshimin qaıta qaraýǵa kirisken bolatyn. Premer-Mınıstr jańa qalany bilim, ǵylym jáne jańa tehnologııalar ortalyǵy etpek boldy. Alaıda Koreıa Respýblıkasynyń Ulttyq jınalysy bul bastamany qabyldamaı, alǵashqy jospardy kúshinde qaldyrýǵa májbúrledi.
