Ońtústik Koreıanyń mádenıet mınıstri ustaldy
ASTANA. QazAqparat - Sybaılas jemqorlyqqa qatysty daýly isti júrgizgen tergeýshilerdiń arnaıy komıssııasynyń saýalynan keıin Ońtústik Koreıanyń mádenıet, sport jáne týrızm mınıstri Cho ıÝn Sýn ustaldy jáne otstavkaǵa ketti, dep habarlaıdy RIA Novostı Kıodo agenttigine silteme jasap.
Cho ıÝn Sýn prezıdent Pak Kyn He bıligine qarsy óner qaıratkerleriniń «qara tizimin» qurdy dep aıyptalýda. Quramynda ártis, mýzykant jáne mádenıet qaıratkerlerinen quralǵan 9400 adamy bar bul tizim olardy kez kelgen memlekettik sýbsıdııalar men kómekten shettetý úshin qurylǵan.
Sondaı-aq, sot burynǵy prezıdent ákimshiliginiń basshysyn ustaý týraly order berdi.
Cho ıÝn Sýn qyzmettik mindetterin oryndaýda ustalǵan tarıhtaǵy alǵashqy mınıstr atandy.
Ótken jyldyń kúzinen beri Ońtústik Koreıa prezıdentiniń qurbysy Tsoı Sýn Sıldiń aınalasynda sybaılas jemqorlyqqa qatysty daý shyqty. Quqyq qorǵaý organdary ony eshqandaı memlekettik qyzmette bolmasa da, prezıdenttiń saıası sheshimderine yqpal etti jáne memleket basshysymen dostyǵyn paıdalanyp, ońtústikkoreıalyq korporatsııalardan iri kólemde qarjy talap etti dep aıyptalýda.
