Ońtústik Koreıanyń qazaqstandyqtarǵa zańdy eńbek etýge ruqsat berýi mańyzdy – SІM
«Búgingi kezdesý barysynda Ońtústik Koreıa Respýblıkasynyń syrtqy ister mınıstri Pak Jın myrzamen memleketaralyq baılanystyń mańyzyn eskerip, eki el azamattarynyń eńbek jáne kóshi-qon quqyqtaryn qamtamasyz etý máselesin ortaǵa saldyq. Óz tarapymnan, Qazaqstan azamattarynyń Koreıada zańdy jumys isteýi máselesine mán berip, ásirese, atalǵan eldiń «Eńbekke ruqsat berý júıesiniń» tizimine Qazaqstandy qosýy elimiz úshin asa mańyzdy ekenine nazar aýdardym», - dedi Murat Nurtileý Ońtústik Koreıa Respýblıkasynyń syrtqy ister mınıstri Pak Jınniń elimizge sapary barysynda uıymdastyrylǵan brıfıngte.
Vedomstvo basshysynyń málimdeýinshe, Ońtústik Koreıamen saıası dıalog, saýda-ekonomıkalyq jáne mádenı-gýmanıtarlyq yntymaqtastyq órisin keńeıtý - eki elge ortaq is.
«Sondyqtan mınıstr Pak Jınmen qoıan-qoltyq jumys isteýge daıyn ekenimdi taǵy qýattap, ekijaqty qarym-qatynasymyzdy jańa beleske shyǵarýǵa ortaq kúsh salatynymyzǵa kámil senimdimin», - deıdi vedomstvo basshysy.
