Ońtústik Koreıanyń burynǵy prezıdentine naqty aıyp taǵyldy
ASTANA. QazAqparat - Ońtústik Koreıa prokýratýrasy eldiń burynǵy prezıdenti Pak Kyn Hege sybaılas jemqorlyqpen baılanysty aıyptar taqty, dep jazady «Habar 24».
Tergeýshiler Pak Kyn He óz bıligin asyra paıdalanyp para alǵan jáne memelkettik qupııanyń jarııalanýyna sebepker bolǵan. Naqtyraq aıtqanda ol qurbysy Choı Sýn Shılmen birigip eldegi iri kompanııalardan aqsha bopsalaǵan. Al aıyptaýlar ótken jyly Pak Kyn Heniń qurbysymen baılanysty tergeý aıaqtalǵannan keıin jasalyp otyr.
Esterińizge sala keteıik, saıası janjal ótken jyly jýrnalıster qoqystan Chon Sýn Shıldiń noýtbýgyn taýyp alǵannan keıin bastalǵan. Artynan onyń memleket isine aralasyp, ózine qarasty qorlar arqyly qomaqty qarjy alǵany belgili bolady. Osydan keıin elde narazylyq sherýleri ótip, onyń aıaǵy prezıdentke ımpıchment jarııalaýǵa ákelip soqty.
