Ońtústik Koreıanyń burynǵy prezıdenti Pak Kyn He tutqyndaldy
ASTANA. QazAqparat - Ońtústik Koreıanyń bıligi eldiń burynǵy basshysy Pak Kyn Heni sybaılas jemqorlyq jasady degen kúdikpen qamaýǵa aldy. Bul týraly TASS Yonhap agenttigine siltememen habarlaıdy.
Seýl soty para aldy, ókilettiligin asyra paıdalandy, zańsyz qysym jasady jáne memlekettik qupııany jarııa etti degen aıyppen burynǵy memlket basshysyn tutqyndaý týraly sanktsııa shyǵardy.
Eske sala keteıik, Pak Kyn Hege qatysty daý 2016 jylǵy qazan aıynda týdy. Ol kezde basylym betterinde memleket basshysyna onyń qurbysy Chhve Sýn Sıl yqpal etip júrgeni týraly aqparat taraǵan edi.
2016 jyly jeltoqsan aıynda Ońtústik Koreıanyń parlamenti Pak Kyn Hege ımpıchment jarııalaý máselesin daýysqa saldy, al 10 naýryz kúni ony Konstıtýtsııalyq sot bekitti.
