Ońtústik Koreıanyń burynǵy prezıdenti ómirden ozdy
ASTANA. QazAqparat - Ońtústik Koreıanyń burynǵy prezıdenti Kım En Sam Seýlde 87 jasynda ómirden ozdy, dep jazady Bı-bı-sı.
Kım En Sam Ońtústik Koreıadaǵy demokratııalyq qozǵalystyń bedeldi tulǵasy bolǵan. Ol basshy bolǵan 1993-1998 jyldar aralyǵynda áskerı bılik azamattyq bılikke aýysqan bolatyn.
Prezıdent bolyp turǵan shaǵynda ol sybaılas jemqorlyqpen kúres úshin aýqymdy sharalar júrgizdi. Alaıda onyń el ekonomıkasyn damytamyn degen qadamdary sátsiz boldy.
Ol ózi basshy bolǵan sońǵy jyldary azııalyq daǵdarys saldarynan halyqaralyq qarjylyq kómekke júginýge májbúr boldy.
