Ońtústik Koreıanyń burynǵy prezıdenti 24 jylǵa sottaldy
ASTANA. QazAqparat - Seýl soty ótken jyldyń basynda iri jemqorlyq janjaly boıynsha ustalǵan Koreıa Respýblıkasynyń burynǵy prezıdenti Pak Kyn Heni 24 jylǵa bas bostandyǵynan aıyrdy. Bul týraly «QazAqparat» Yonhap-qa silteme jasap habarlaıdy.
Seýldyń ortalyq aımaqtyq soty 66 jastaǵy Pak Kyn Heni jemqorlyq, qyzmettik ókilettigin asyra paıdalandy jáne memlekettik qupııany jarııalaǵany úshin kináli dep tanydy.
Prokýratýra burynǵy Ońtústik Koreıa basshysyn 30 jylǵa bostandyǵynan shegerý jáne 118,5 mıllıard von kóleminde aıyppul tóletýdi suraǵan. Ol 2017 jyly naýryz aıynyń sońynda tutqyndalyp, 18 tarmaq boıynsha aıyppul taǵylǵan edi.
Tergeý barysynda anyqtalǵandaı, Pak óziniń qurbysy Chhve Sýn Sılmen kelisip, Samsung, Lotte jáne SK sııaqty iri kompanııalardan aqsha bopsalaǵan.
«Sottalýshy prezıdent ókilettigin asyra paıdalanyp, qoǵamdyq tártip pen memleket basqarýda nuqsan keltirgen», - dep málimdedi sýdıa Kım Se-ıÝn ekinshi protsess kezinde.
2013 jyldyń basynda Ońtústik Koreıa tarıhyndaǵy alǵashqy prezıdent-áıel bolyp saılanǵan ol jemqorlyq úshin aıypty bolyp tanylǵan úshinshi kóshbasshy boldy. 
