Ońtústik Koreıanyń azamaty narazylyq belgisi retinde kóligimen Japonııa elshiliginiń qaqpasyn qıratty
ASTANA. 9 shilde. QazAqparat - Koreıa Respýblıkasynyń azamaty japondyq ońshyl ultshyldardyń áreketterine baılanysty narazylyǵy retinde shaǵyn júk tasýshy kóligimen Japonııa Elshiliginiń qaqpasyn soqty.
Bul týraly búgin seýldyq polıtsııa habarlady.
«Men Elshilik qaqpasyn maýsym aıynda koreıalyq áıelderdiń esimderin qorlaǵan japonııalyq ońshyl belsendilerdiń áreketterine narazylyq retinde soqtym. Bul áıelderdi japonııalyq áskerler Ekinshi dúnıejúzilik soǵys kezinde kúshtep seksýaldyq quldyqqa áketken», - dep málimdedi tártip saqshylaryna oqıǵa ornynda ustalǵan kóliktiń júrgizýshisi.
