Ońtústik Koreıanyń áskerıleri senbi kúni bes qyzmettesin óltirgen shekarashyny qorshaýǵa aldy
ASTANA. QazAqparat - Ońtústik Koreıanyń áskerıleri senbi kúni bes qyzmettesin óltirip, taǵy beseýin jaraqattaǵan shekarashy serjantty qorshaýǵa aldy. Bul týraly sheteldik BAQ habarlady.
Osynyń aldynda Koreıa Respýblıkasy Qarýly kúshteriniń áskerıleri bul serjantpen qarýly qaqtyǵysqa túsken edi. Qarýly qaqtyǵys KHDR-men shekaradaǵy Koson qalasy (Kanvondo provıntsııasy) aýdandarynyń birindegi bastaýysh mekteptiń mańynda boldy. Bul oqıǵa jaıynda naqty aqparattar habarlanbaı otyr.
VVS-diń habarlaýynsha, oqıǵa ornyna sarbazdyń ata-anasy jetkizilip, anasy balasynyń tutqynǵa berilýin ótingen.
Budan buryn habarlanǵandaı, 23 jasar serjant senbide óz qyzmettesterine oq jaýdyrdy. Nátıjesinde 5 áskerı qyzmetker qaza taýyp, taǵy beseýi jaraqat aldy. Osydan keıin ol oqıǵa ornynan izin sýytyp úlgerdi. Ázirge serjanttyń bundaı qadamqa nelikten barǵandyǵy belgisiz bolyp otyr.
