Ońtústik Koreıanyń áskerı ushaǵy kemege qarsy zymyrandy abaısyzda teńizge túsirip aldy
ASTANA. QazAqparat - Ońtústik Koreıanyń áskerı ushaǵy Japon teńizi ústinen ushyp bara jatyp, kemege qarsy qoldanylatyn úsh «Garpýn» zymyranyn torpeda jáne tereńge tastalatyn bombalardy abaısyzda túsirip aldy.
Bul týraly Renhap áskerılerge silteme jasap habarlady.
Olardyń aıtýynsha, oqıǵa saldarynan eshkim zardap shekken joq.
«Ekıpaj músheleriniń biri qatelesip, shuǵyl qarý tastaý batyrmasyn basqan», - dedi derekkóz.
Zymyrandar eldiń shyǵys jaǵalaýynan 30 shaqyrym jerdegi sýǵa qulaǵan.
Oqıǵa sátinde zymyran qulaǵan aýdanda bir ǵana balyq aýlaıtyn qaıyq júzip júrgen.
