Ońtústik Koreıanyń 240-tan astam fermasynda qus tumaýy anyqtaldy
ASTANA. QazAqparat - Ońtústik Koreıada qus tumaýynyń taralýyna qarsy sharalar áli nátıjesin bergen joq. Osy elde H5N6 vırýsy alǵash ret qarasha aıynyń basynda jabaıy kustar arasynda tirkelgen. Osy kúnge deıin qus týmaýy 240-tan astam fermada anyqtaldy, dep jazady «Habar 24».
Epıdemııany toqtatý úshin 24 mıllıonnan astam taýyq pen úırek joıyldy. Úkimet vırýs anyqtalǵan aımaqtardan ónimdi syrtqa shyǵarýǵa tyıym saldy. Dert juqqan oryndarda dezınfektsııalaý jumystary júrip jatyr. Qus tumaýy vırýsy adamǵa juǵatyny belgili. Biraq ǵalymdardyń aıtýynsha, H5N6 vırýsynan Ońtústik Koreıa turǵyndaryna qaýip tónip turǵan joq.
«Adamdarǵa qus tumaýy juǵý oqıǵalaryn zerttegende, aýyryp qalǵan adamdar tiri qustarmen jumys istegeni anyqtaldy. Olar - taýyqtar men úırekterdi ósirgen nemese olardyń etin satqan adamdar. Koreıada osyndaı oqıǵalar bolǵan joq. Qus etin biz tek qana Qytaıǵa eksporttaımyz. Qazir taýyq jáne úırek etiniń eksporty toqtatyldy», - deıdi Konkýk ýnıversıteti veterınarlyq medıtsına kolledjiniń professory Song Chang Son.
