Ońtústik koreıalyq kásipkerler Aqtóbe oblysyna ınvestıtsııa salýǵa nıet bildirip otyr

2015 jyly Aqtóbe óńiri men Ońtústik Koreıa arasyndaǵy taýar aınalymy 92,3 mıllıon AQSh dollaryn, onyń ishinde eksport 91,2 mıllıon AQSh dollaryn, ımport 1 mıllıon AQSh dollaryn qurady. Oblystyń eksport qurylymyna ferroqorytpa, oksometall jáne peroksometall qyshqyldarynyń tuzdary kiredi. Import óniminiń negizi elektrondyq, mashına jasaý quraldary men ónimderi, dóńgelek pen qaqpaq, kólik quraldarynyń shanaqtary (kabınany qosqanda), avtokólik pen ózge de kólik quraldary bolyp tabylady.
Aqtóbe oblysynyń aýmaǵynda koreıalyq kapıtaldyń qatysýymen 10 kásiporyn tirkelgen. Olardyń qatarynda LG International jáne koreıalyq ulttyq munaı korporatsııasynyń qatysýymen qurylyp, munaı ken oryndaryn barlaýmen jáne óndirýmen aınalysatyn
«Fırma Ada Oıl» jáne «Altıes Petroleým» jaýapkershiligi shekteýli seriktestikteri bar. Qalǵan kásiporyndar shaǵyn kásipkerlik salasynda jumys jasaıdy.
Ońtústik Koreıaǵa kelgen alǵashqy kúni óńir basshysy jergilikti ulttyq munaı korporatsııasynyń basshylyǵymen kezdesti. KNOC memlekettik kompanııasy 1979 jyldan beri munaıdy barlaý jáne óndirýmen, ony strategııalyq túrde saqtaýmen jáne el ishinde taratýmen aınalysyp keledi.
KNOC negizi qalanǵannan bastap jalpy ónimdiligi 146 mıllıon barrel bolatyn munaı qorynyń 9 jerústi jáne jerasty qoryn qurylymdady, munaı izdeý jumystarynda qýatty tehnologııalar men noý-haýdy qoldaıdy. Nátıjesinde, búginde KNOC Soltústik teńizdegi munaı ken orny men Soltústik Amerıkadaǵy taqtatas gazy ken oryndaryn qosqanda álemniń 21 elinde óz jobasyn júzege asyrýda.
Berdibek Saparbaev KNOC prezıdenti Djang Rae Kım myrzamen «Altıes Petroleým Interneshnl B.V.» AKF,«Fırma Ada Oıl» JShS damýyn talqylap, kompanııalardyń munaı óńdeý deńgeıin tómendetpeý jáne jumys ornyn qysqartpaý boıynsha sharalar qoldanýyn surady.
Sonymen qatar, aqtóbelik delegatsııa birneshe iri medıtsınalyq mekemelerdi aralady. Odan keıin oblys ákimi QR elshiliginiń qyzmetkerlerimen birlese otyryp, osy eldegi 50 kompanııanyń basshylarymen kezdesti. Óńirdiń ınvestıtsııalyq áleýeti tanystyrylyp, Aqtóbe oblysy men Ońtústik Koreıa arasyndaǵy seriktestikti keńeıtý múmkindikteri týraly aıtyldy. Kezdesý barysynda iri kásipkerlerdiń birqatary óńirdiń óndiristik qaýipsizdigin qamtamasyz etetin bolashaǵy bar jobalarǵa ınvestıtsııa salýǵa qyzyǵýshylyqtaryn bildirdi.

- Prezıdenttiń tapsyrmasyn oryndaý barysynda biz azyq-túlik qaýipsizdigin qamtamasyz etý jáne ımportty qysqartýǵa baǵyt ustanyp otyrmyz. Biz sizderdiń usynystaryńyzdy qoldaýǵa ázirmiz. Bizde tabıǵı gaz ben elektr energııasynyń baǵasy
tómen, - degen oblys ákimi koreıalyq tarapty 28-29 qyrkúıekte Aqtóbede etetin halyqaralyq ınvestıtsııalyq forýmǵa qatysýǵa shaqyrdy.

Seýlde Koreıa bıznesmenderimen Aqtóbe oblysy jáne Ońtústik Koreıa arasyndaǵy yntymaqtastyq boıynsha úsh memorandýmǵa qol qoıyldy. Qujattar munaı-gaz, taý-ken metallýrgııa, sondaı-aq, medıtsına jáne medıtsına ónerkásibi salalarynda jańa birlesken jobalardyń bastalýyna jol ashty.
Chýnchonpýk-do provıntsııasynda oblys ákimi provıntsııanyń gýbernatory Lı Sı Chjon myrzamen
kelissózder júrgizdi. Eki jaq perspektıvalyq jáne ınnovatsııalyq jobalardy júzege asyrý boıynsha usynystarymen bólisti.
- Ońtústik Koreıa Qazaqstannyń negizgi seriktesteriniń biri bolyp tabylady, bul memleket basshylarynyń deńgeıinde jeke saparlarmen bekitile tústi. Energetıka, óndiristik zaýyttardyń qurylysy, elektronıka, avtoqurylysy, resýrstar boıynsha eki el arasyndaǵy yntymaqtastyq óte mańyzdy bolyp tabylady. Densaýlyq saqtaý, medıtsına, ǵylymı tehnologııa, aýylsharýashylyǵy jáne
orman sharýashylyǵy, elektrondyq úkimet salasyndaǵy yntymaqtastyq áleýeti óte joǵary dep oılaımyn, - dedi Berdibek Saparbaev.
Oblys ákimi óńirde Ońtústik Koreıalyq Kangnam Severans polıklınıkasymen tyǵyz baılanys ornatylǵanyn atap ótip, eki el arasyndaǵy saýda-ekonomıkalyq, iskerlik jáne mádenı qarym-qatynastardy odan ári damytý úshin tyǵyz yntymaqtastyq qurýdy usyndy. 
- Kúrish, arpa, burshaq, tátti kartop, jenshen jáne temeki ósirý boıynsha mamandanǵan Chýnchonpýk provıntsııasynda aýylsharýashylyǵy jaqsy  damyǵan. Provıntsııanyń aýmaǵynda LG Electronics, Nestle Korea, Hanwha jáne ózge de iri óndiris kásiporyndary ornalasqan. Bizdiń aımaqtarmen aýyl sharýashylyǵy, elektronıka, mashına jasaý, medıtsına, joǵary tehnologııalyq energetıka salalary boıynsha yntymaqtastyqtyń joǵary múmkindigi bar, - dedi Berdibek Saparbaev.
Óńir basshysy koreıalyq kásipkerlerdi ekonomıkalyq áleýetimen tanysý úshin Aqtóbe oblysyna shaqyrdy.