Ońtústik Koreıaǵa zańsyz kirip ketken Qazaqstannyń eki azamatynyń bireýi tabylmaı jatyr

ASTANA. QazAqparat – Eki otandasymyz Ońtústik Koreıaǵa kirýge tyıym salynǵanyna qaramastan atalǵan elge zańsyz kirip ketken. Búginde bireýi ustalyp, ekinshisi izdestirilip jatyr. Bul týraly Syrtqy ister mınıstrliginiń resmı ókili Aıbek Smadııarov málim etti, dep habarlaıdy QazAqparat tilshisi.

«Koreıa Respýblıkasyna kirýge ruqsat berilmegen Qazaqstannyń eki azamaty Inchhon halyqaralyq áýejaıynan zańsyz qashyp ketti. Keıinirek olardyń birin jergilikti polıtsııa ustady, al ekinshi otandasymyz izdeýde. Atalǵan azamattar Ońtústik Koreıaǵa 24 naýryzda Tashkent qalasynan «Koreana» áýekompanııasynyń reısimen kelip, deportatsııalyq reısti kútip otyrǵan. Sodan keıin áýejaıdan ruqsatsyz shyǵyp ketip qalǵan», - dedi Aıbek Smadııarov.

Resmı aqparatta aıtylǵandaı, Qazaqstannyń Seýl qalasyndaǵy elshiligi osy másele boıynsha Koreıa Respýblıkasynyń ýákiletti organdarymen turaqty baılanysta.

«Bolǵan oqıǵa Ońtústik Koreıada qoǵamdyq rezonans týdyrdy jáne jergilikti BAQ-ta keńinen jarııalandy. Óz kezeginde bul jaǵdaı bolashaqta Koreıa Respýblıkasynyń quqyq qorǵaý jáne ımmıgratsııalyq organdaryn ásirese Qazaqstan azamattarynyń elde zańsyz júrip-turýyna qarsy belsendi kúresýine, sondaı-aq bizdiń otandastarymyz úshin elge kirý tártibin qatańdatýǵa ıtermeleýi múmkin», - deıdi vedomstvodan.