Ońtústik Koreıaǵa surapyl taıfýn jaqyndap qaldy
NUR-SULTAN. QazAqparat - Ońtústik Koreıaǵa «Lınglıng» qýatty taıfýny jyljyp keledi. Bul týraly Yonhap agenttigi jergilikti meteorologtarǵa silteme jasap habarlaıdy.
«Qýatty taıfýn Ońtústik Koreıanyń soltústigine qatty jyldamdyqpen jaqyndap qaldy. Taıfýn juma kúni tústen keıin eldiń eń ońtústigindegi Chedjý aralyna jetedi», - delingen habarlamada.
Atalyp ótilgendeı, «Lınglıng» taıfýny osy maýsymdaǵy 13-shi daýyl bolmaq. Jeldiń ekpini saǵatyna 200 shaqyrymǵa jetýi múmkin.
Búkil memlekette qaýiptilik týraly eskertý jarııalandy. Chedjý aralyndaǵy áýejaıda 25 áýe reısi toqtatyldy. Budan bólek, aral men eldiń basqa da bólikteri arasynda tasymaldaıtyn 14 jolaýshylar kemesine teńizge shyǵýǵa tyıym salyndy. Inchhon qalasyndaǵy porttan 300 júk kemesi evakýatsııalandy.
