Ońtústik Koreıadaǵy Samsung keńselerine tintý júrgizildi
ASTANA. QazAqparat - Ońtústik Koreıa prezıdenti Pak Kyn He aınalasyndaǵy daý-damaıǵa qatysty el basqarýǵa zańsyz aralasý týraly qylmystyq is aıasynda tergeýshiler ońtústikkoreıalyq Samsung kompanııasynyń keńselerin tintip shyqty, dep habarlaıdy Bı-Bı-Sı agenttigi.
Ońtústikkoreıalyq BAQ-tyń habarlaýynsha, tergeý toby Samsung kompanııasynyń prezıdenttiń qurbysy Chhve Sýn Sıldiń qyzyna zańsyz qarjylaı kómek kórsetýi týraly aqparatty tekserýde.
Tergeý málimetteri boıynsha, Samsung Chhve Sýn Sıl men onyń qyzy basqarǵan kompanııaǵa 2,8 mıllıon eýro ınvestıtsııalaýy yqtımal dep kúdktenýde.
Samsung basshylyǵy tintýge qatysty ázirge eshqandaı túsinikteme bergen joq.
