Ońtústik Koreıadaǵy prezıdenttik saılaýda daýys berý sharalary aıaqtaldy
ASTANA. QazAqparat - Ońtústik Koreıanyń jańa prezıdenti úshin daýys berý sharalary aıaqtaldy. Barlyq 13 myń 964 saılaý ýchaskesinde bıýlletender sanalyp jatyr, dep habarlaıdy TASS Ulttyq saılaý komıssııasynyń baspasóz qyzmetine silteme jasap.
Jergilikti ýaqyt boıynsha, saǵat 19-00-degi jaǵdaı boıynsha, saılaýshylardyń 75,1 paıyzy nemese 31,9 mln adam daýys berdi, delingen saılaý komıssııasynyń habarlamasynda. Bul tizimge 4 jáne 5 mamyr kúnderi de daýys bergen 26,06 protsent elektorat ta kiredi. Ońtústik Koreıada turǵyndardyń 42,48 mln-nyń nemese jergiliktiń halyqtyń 82 paıyzynda daýys berý quqyǵy bar.
Saılaýdyń tolyq qorytyndysy 10 mamyrdyń ekinshi jartysynda jarııa etiletin bolady. Alaıda, jeńimpazdyń aty-jóni búgin-aq belgili bolady. Prezıdenttik saılaýdyń kóshbasshysy Demokratııalyq partııa atynan synǵa túsip otyrǵan Mýn Chje In bolyp otyr.
Sońǵy ret júrgizilgen saýalnamaǵa qaraǵanda, Mýn Chje Indi daýys berýge quqyǵy bar turǵyndardyń 42 paıyzy qoldap otyr.
