Ońtústik Koreıadaǵy kólik apatynan zardap shekkender arasynda qazaqstandyqtar joq
NUR-SULTAN. QazAqparat – Ońtústik Koreıadaǵy iri jol-kólik apaty kezinde zardap shekkender arasynda qazaqstandyqtar joq. Bul týraly QR Syrtqy ister mınıstrliginen málim boldy, dep habarlaıdy QazAqparat tilshisi.
«Ońtústik Koreıadaǵy jol-kólik oqıǵasy saldarynan zardap shekkender arasynda Qazaqstan azamattary tirkelmedi», - delingen QR SІM baspasóz qyzmeti taratqan málimetinde.
Budan buryn habarlanǵandaı, dúısenbi kúni tańerteń Koreıa Respýblıkasynyń soltústik-shyǵysyndaǵy Kanvondo provıntsııasynda 16 jolaýshysy bar shaǵyn avtobýs aýdaryldy.
Apat saldarynan tórt adam oqıǵa ornynda kóz jumdy. Taǵy toǵyz jolaýshy jaraqat alyp aýrýhanaǵa jetkizilgen, onyń úsheýi hal ústinde jatyr. Polıtsııanyń málimdeýinshe, 16 jolaýshynyń ishindegi jeteýi sheteldik bolǵan.
