Ońtústik Koreıadaǵy áskerı oıyndarda Qazaqstan quramasynyń qorjyny taǵy eki medalmen tolyqty

ASTANA. QazAqparat - VI Dúnıejúzilik áskerı oıyndardyń jetinshi saıys kúninde Qazaqstan Qarýly Kúshteri quramasynyń qorjyny taǵy da eki marapatpen tolyqtyryldy.

Qola medaldi 61 keli salmaqtaǵy balýan, Qazaqstannyń chempıony, áskerı qyzmetshiler arasyndaǵy 2014 jylǵy álem chempıonatynyń kúmis júldegeri efreıtor Eldos Ábikenov qanjyǵasyna baılady. Taǵy bir «qola» medaldi komanda boıynsha onyń serigi kishi serjant Ádilet Daýlýmbaev jeńip aldy.

Qazir erkin kúreste QR QM AOSK sportshylary 37 eldiń 230 sportshysyn shań qaqtyryp, ózderiniń sheberlikterimen úzdikter úshtiginde tur.

Osy jarysta komandamyz barlyǵy bes medalǵa (1 kúmis jáne 4 qola) ıe boldy. Jaqynda ǵana 57 kelige deıingi salmaqta QR sport sheberi, álem chempıonattarynyń júldegeri Vladımır Kýdrın kúmis medal jeńip alǵan bolatyn. Eki qola júldeni 74 keli salmaqta halyqaralyq dárejedegi sport sheberi, álem chempıony kishi serjant Ǵalymjan Úserbaev pen 65 keli salmaqta álem chempıonatynyń júldegeri efreıtor Azat Saqaev ıelendi.

VI Búkilálemdik jazǵy armııa oıyndary 12 qazanda ońtústikkoreıalyq Mýngende aıaqtalady. Demek, sporttyń ózge túrlerinde armııalyq sportshylarymyz jańa jetisterge jetip, joǵary marapattarǵa ıe bolatyndyǵy anyq, dep habarlaıdy QR QM baspasóz qyzmeti.