Ońtústik Koreıada jolaýshy ushyp bara jatqan ushaqtan túspek bolǵan
SEÝL. YONHAP-QazAqparat - Tegý halyqaralyq áýejaıynda jolaýshy Asiana Airlines ushaǵynyń esigin ashyp, ushaq qonyp jatqanda túspek bolǵan, dep habarlaıdy QazAqparat Yonhap agenttigine siltememen.
Oqıǵa saldarynan kóptegen jolaýshy tynys ala almaı qalǵan. Ayroı bolǵanda ushaq jerge sátti qondy, dep habarlady resmı derekkóz.
Polıtsııa ushý kezinde esiktiń tutqasyn ashqan 33 jastaǵy er adamdy ustady. Chedjý aralynan ushqan ushaq Seýlden 237 shaqyrym qashyqtyqtaǵy Tegýǵa bet alǵan. Jergilikti ýaqytpen 12:45-te áýe kemesiniń esigi kenet ashylǵan. Keıin ushaq esigi ashyq kúıi jerge qonǵan.
Esik ashylǵan kezde ushaq 250 metr bıiktikte bolǵan. Borttaǵy 194 adam zardap shekpegen, tek 12 jolýshynyń tynys alýy qıyndaǵan.
Kýágerlerdiń aıtýynsha, kúdikti esikti ashyp, ushaqtan sekirmekshi bolǵan.
«Stıýardessalar jolaýshy azamattardan kómek surap, aıqaılaǵan. Janyndaǵy adamlar ony ustap, ishke qaraı kirgizgen», - dep málimdedi jolaýshylardyń biri.
