Ońtústik Koreıada jol erejesin buzǵan Qazaqstan azamaty ustaldy

ASTANA. QazAqparat – Ońtústik Koreıadaǵy Inchhon-Ensý polıtsııa ýchaskesi 27 mamyrda jol júrý erejesin buzyp, essiz kúıde kólik aıdady degen aıyppen 39 jastaǵy A. esimdi Qazaqstan azamatyn tutqyndady, dep habarlaıdy QazAqparat Herald Economy basylymyna silteme jasap.

A. esimdi azamat 24 mamyrda 18:15-te Ensý-don-ǵa bara jatqan jolda K5 kóligin qatty aıdady dep aıyptalyp otyr.
Tilshi túsirip alǵan vıdeoda 27 jastaǵy B. jáne 22 jastaǵy S. esimdi, ulty qazaq qyzdar avtokóliktiń artqy terezesine otyryp, denesin terezeden syrtqa shyǵaryp, qoldaryn joǵary kóterip turǵanyn kórýge bolady.
A. esimdi azamat polıtsııa ýchaskesine óz erkimen keldi, oǵan qatysty tergeý júrgizildi.
Tergeý barysynda A. myrza B. jáne S. esimdi áıelderge bulaı istemeýin, onyń qaýipti ekenin eskertkenin aıtty.
B. hanym áreketin Koreıadaǵy jaqyn tanysy bópeli bolǵanyn estip, qatty qýanǵannan istegenin túsindirdi. Sondaı-aq ol «óz elimde mundaı áreket qalypty bolǵandyqtan, eshqandaı másele týyndamaıdy dep oıladym» dep jaýap bergen tergeýshilerge.
Aryzdanýshy kólik birden jyldamdyǵyn arttyryp, qozǵalys jolaǵyn birden aýystyrǵanyn aıtqan. Biraq jaqyn mańdaǵy kameradan polıtsııa mundaı buzýshylyqtyń bolmaǵanyn anyqtady.
Polıtsııa qyzmetkeriniń aıtýynsha, eger bul áreket negizgi tártipti buzý dep tanylsa B. jáne S. esimdi azamattarǵa da aıyppul salynady.