Ońtústik Koreıada vırýsty juqtyrǵandar sany 500 myńnan asty

SEÝL. YONHAP-QazAqparat - Ońtústik Koreıadaǵy jańa koronavırýs juqtyrǵandar jumada úshinshi kún boıy 7 myńnan joǵary boldy jáne indetke shaldyqqandar sany 500 myńnan asyp tústi, dep habarlaıdy QazAqparat YONHAP agenttigine silteme jasap.

Koreıanyń Aýrýlardy baqylaý jáne aldyn alý agenttiginiń (KDCA) málimetinshe, elde COVID-19 ınfektsııasynyń 7 022 jańa jaǵdaıy tirkelip, olardyń jalpy sany 503 606-ǵa jetti.

Atap aıtqanda, Seýlde 2 800 jańa jaǵdaı tirkeldi, onyń 2 030-y Kengı provıntsııasynan jáne 465-i Seýlden batysqa qaraı 40 shaqyrym jerde ornalasqan Inchhonnan.

Aýyr jaǵdaıdaǵy COVID-19 patsıentteriniń sany 852-ni qurady, ıaǵnı beısenbide habarlanǵan 857-den keıingi ekinshi joǵary kórsetkish bolyp otyr. Bul aýrýhanalar men reanımatsııa bólimshelerine qosymsha júkteme túsirdi.

Bıliktiń málimetinshe, qaıtys bolǵandar sany 53-ten 4130 adamǵa deıin ósti, ólim kórsetkishi 0,82 paıyzdy qurady.

Vaktsınatsııaǵa keletin bolsaq, eldegi 52 mıllıon halyqtyń 83,5 paıyzy kem degende bir, 81 paıyzy eki ekpe alǵan, 10,3 paıyzy revaktsınalandy