Ońtústik Koreıada vaktsınalanǵan týrısterden karantın talaptary alynbaq
NUR-SULTAN. QazAqparat - Ońtústik Koreıa bıligi aımaqtan vaktsınalanǵan týrıster úshin karantın talaptaryn alyp tastamaq, dep habarlaıdy Sanıtarııalyq-epıdemıologııalyq baqylaý komıteti.
Qazirgi tańda Sıngapýr jáne Taıvan sııaqty eldermen ózara toptyq týrıstik saparlar týraly kelissózder júrgizilýde. Atalmysh memleketter epıdemıologııalyq ahýaly turaqty elderdiń qataryna kiredi. Úkimettiń mundaı áreketi pandemııadan zardap shekken áýe tasymaly men týrızm ındýstrııasyn qaıta jandandyrýǵa baǵyttalǵan. Sonymen qatar, koronavırýstyq ınfektsııanyń taralýyna qarsy tabysty kúres júrgizilip jatqan Taılandpen, Gýammen, sodaı-aq, Saıpanmen kelissózderdi júrgizý bastalady dep josparlanýda.
AQSh COVID-19-ǵa qarsy kúreste úlken metsenattyq qadam jasamaq. Aq úı ákimshiligi álemge qaıyrymdylyq jasaý úshin Pfizer ekpesiniń 500 mıllıon dozasyn satyp alatyndyǵyn málimdedi. Bul – az qamtylǵan elderdi koronavırýstyq ınfektsııaǵa qarsy dári-dármektermen qamtamasyz etý jónindegi vaktsınatsııanyń ǵalamdyq josparynyń bir bóligi Bul vırýstyń taralýyn tejep, mıllıondaǵan adamdardyń ómirin saqtap qalýǵa múmindik beredi.
Pekın elde 800 mıllıonnan astam adamnyń koronavırýsqa qarsy egilgendigin habarlady. Immýndaý Qytaıdyń 31 provıntsııasynda júrgizilip jatyr. Qytaıda turǵyndardyń basymdyq berilgen toptaryn vaktsınatsııalaý 2020 jyldyń 15 jeltoqsanynda bastalǵan. 1 maýsymǵa deıin 1,4 mıllıardtan astam turǵynnyń 681,9 mıllıony vaktsınatsııalaýdan ótken. Sońǵy málimetter boıynsha 808,962 mıllıon adam ekpe saldyrǵan.
