Ońtústik Koreıada úsh kún qatarynan COVID-19 juqtyrý rekordy tirkeldi
SEÝL. YONHAP-QazAqparat – Ońtústik Koreıa juma kúni pandemııa bastalǵannan beri koronavırýs juqtyrýdyń eń kóp táýliktik jaǵdaıy týraly málim etti, dep habarlaıdy QazAqparat YONHAP agenttigine silteme jasap.
Koreıanyń Aýrýlardy baqylaý jáne aldyn alý agenttiginiń (KDCA) derekterine saı, elde COVID-19 juqtyrýdyń 1 316 jaǵdaıy, onyń ishinde 1 236 jergilikti ınfektsııa tirkelgen. Nátıjesinde juqtyrǵandardyń jalpy sany 164 028-ge jetti.
Bul – ótken jyldyń 20 qańtarynan bergi eń joǵary kórsetkish. Sol kúni Ońtústik Koreıa eldegi alǵashqy koronavırýs juqtyrý jaǵdaıyn anyqtalǵan bolatyn.
Odan bólek, birinshi ret eldegi táýliktik juqtyrý sany úsh kún qatarynan 1 200-den asyp otyr. Kórsetkish dúısenbi kúni 711, seısenbi kúni 746, sársenbide 1 212 jáne beısenbide 1 275 bolǵan.
Elde COVID-19-dan taǵy eki adam qaıtys boldy, nátıjesinde jalpy ólim sany 2 036-ǵa deıin kóterildi.
