Ońtústik Koreıada tolassyz jaýynnan jeti adam qaza tapty
SEÝL. QazAqparat – Ońtústik Koreıada tolassyz nóserden jeti adam qaza taýyp, myńdaǵany evakýatsııalandy. Tabıǵı apattar men qaýipsizdik sharalary jónindegi ortalyq shtab úsh adamnyń joǵalyp ketkenin jáne taǵy jeteýi jaraqat alǵanyn málimdedi, dep habarlaıdy QazAqparat Yonhap agenttigine silteme jasap.
Juma kúni Nonsan qalasyndaǵy kóshkinnen ǵımarat opyrylyp, eki adam qaza tapty. Ortalyq Sedjon qalasynda kóshkin saldarynan bir adam qaza tapty.
Ońtústik-Shyǵys Iondjý okrýginde jáne Ortalyq Chhonıan okrýginde turǵyn úıler qırap, taǵy úsh adam qaza tapty. Zardap shekkenderdiń sany artýy múmkin.
Bóget shaıylýynan ortalyq Gesan okrýginiń 6400-ge jýyq turǵyny evakýatsııalandy. Bógettiń janynda ornalasqan kóptegen aýyldar, sondaı-aq aýyldardy baılanystyratyn joldar men kópirler sý astynda qaldy.
13 qala men okrýgtegi 1567 adam úılerin tastap ketýge májbúr boldy.
Sondaı-aq, qatty nóser kóshkinge ulasyp, saldarynan Chondjýda poıyz relsten shyǵyp ketti. Mashınıst jeńil jaraqat alyp, aýrýhanaǵa jetkizildi. Basqa zardap shekkender týraly habarlanǵan joq. Búkil el boıynsha 13 qala men okrýgte elektr qýaty sónip qaldy. Búgingi tańda Soltústik Kensan provıntsııasyndaǵy Mýngen, Iondjý jáne Iechhonda 8300-den astam úı jaryqsyz otyr.
Sý tasqyny egindi shaıyp, joldardy sý basty. Búkil el boıynsha 97 jol jabyq tur. Koreıa temirjol korporatsııasy (KORAIL) barlyq turaqty jolaýshylar poıyzdaryn jáne eldiń ortalyq aımaǵyna qatynaıtyn keıbir júrdek poıyzdardy toqtatty.
Koreıa meteorologııalyq basqarmasy ońtústik Kengıdo provıntsııasyna, Chhýnchhon provıntsııasyna, ońtústik Kanvondo provıntsııasyna, soltústik Cholla provıntsııasyna jáne Ońtústik Cholla provıntsııasynyń batys bóliginde qatty jańbyr jaýatynyn eskertti.
Beısenbiden bastap Soltústik Cholla provıntsııasyndaǵy Iksanda 434,5 mm, al kórshi Kýnsanda 426 mm jaýyn-shashyn túsken.
