Ońtústik Koreıada teńiz balshyǵy festıvali ótýde
ASTANA. QazAqparat - Ońtústik Koreıanyń Poren qalasynda teńiz balshyǵy festıvali ótýde, dep jazady 24.kz.
Bul shahar el astanasy Seýlden 190 shaqyrym qashyqtyqta ornalasqan. Birin-biri laı balshyqpen atqylaıtyn shara bıyl 17-ret ótkizilip otyr. Byltyr festıvalge 3 mıllıonnan astam adam qatysqan. Uıymdastyrýshylar bıyl da sonsha saıahatshy keledi dep kútýde. Teńiz balshyǵy adam terisi úshin paıdaly jáne túrli aýrýlarǵa qarsy em retinde qajetti mıneraldarǵa baı. Sondyqtan bul sharaǵa erikkenniń ermegi dep qaramaǵan jón. Festıval aıasynda birneshe shara qamtylǵan. Olardyń arasynda balshyqpen júgirý, balshyqta kúresý, balshyqtan músinder jasaý, balshyq syrǵanaqtarynda syrǵanaý, balshyqpen massaj jasaý jáne bı bıleý bar. Qyzyǵy mol festıval 27 shildege deıin jalǵasady.
