Ońtústik Koreıada surapyl taıfýn kesirinen júzden astam reıs toqtatyldy
SEÝL. QazAqparat – Ońtústik Koreıaǵa búgin tańerteń «Lınlıng» surapyl taıfýny keldi, sonyń saldarynan tolassyz nóser jaýyp, daýyl soǵyp jatyr, dep habarlaıdy QazAqparat Yonhap agenttigine silteme jasap.
Ázirge aıtarlyqtaı qıraǵan ǵımarattar týraly aqparat joq, degenmen qatty jelge baılanysty 230 reıs toqtatyldy jáne keıinge qaldyryldy. Jeldiń ekpini sekýndyna 39 metrge jetti nemese 140 km/saǵ bolyp otyr.
Áýejaı ákimshiliginiń deregi boıynsha, Seýldegi Inchhon halyqaralyq áýejaıyna kelip qonatyn nemese ushatyn 150 halyqaralyq reıs, eldiń Chedjý kýrortty aralynda 120 reıs toqtatyldy.
Elde burynǵysha birneshe eskertý jarııalanyp otyr. Sebebi, taıfýn Seýlge túste keledi dep josparlanýda.
Koreıa meteorologııalyq qaýymdastyǵynyń deregine sáıkes, taıfýn soltústikke qaraı jyljyp, sol kúni Soltústik Koreıaǵa jetýi múmkin.
