Ońtústik Koreıada sýǵa ketken «Sevol» paromynyń komandasyna qatysty sot júrip jatyr
ASTANA. QazAqparat - Ońtústik Koreıada sáýirde sýǵa batqan paromnyń 15 ekıpaj múshesine qatysty aldyn ala tyńdaý júrip jatyr. Seısenbi kúni aıyptalýshylar Kvandjýda sot aldyna keldi, dep habarlady Bı-bı-sı.
«Sevol» kemesiniń kapıtany jáne ekıpajdyń jaýapty úsh múshesi óz isterine salǵyrt qarady jáne kisi óltirdi dep aıyptalyp otyr. Ekıpajdyń qalǵan 11 múshesine óz isterine salǵyrt qarady degen aıyp taǵyldy.
Aıyptaý nusqasy boıynsha, keme kapıtany, birinshi jáne ekinshi kómekshiler men bas ınjener batyp bara jatqan paromdy tastap, al jolaýshylarǵa bortta qalý kerektigin aıtqan.
Aıyptalýshylardy kisi ólimine qatysy bar dep tapsa, olar ómir boıy bas bostandyqtarynan aıyrylýy múmkin.
Keme Koreıanyń jartylaı aralynyń jaǵalaýyna jaqyn mańda sáýirdiń orta kezinde batyp ketti. Osy qaıǵyly oqıǵanyń saldarynan 300-ge jýyq adam qurban boldy. Olarnyń kóp bóligi - oqýshylar. Kemede barlyǵy 476 jolaýshy bolǵan.
