Ońtústik Koreıada short-trekten álem chempıonaty ótpeıtin boldy
SEÝL. QazAqparat - Ońtústik Koreıanyń Seýl qalasynda 13-15 naýryz kúnderine josparlanǵan short-trekten álem chempıonaty ótpeıtin boldy, dep habarlaıdy QazAqparat Olympic.kz saıtyna silteme jasap.
Buǵan sebep – elde koronavırýstyń órshýi. Seýldiń resmı túrde birinshilikten bas tartqany týraly Halyqaralyq konkımen júgirýshiler odaǵy da (ISU) rastap otyr.
«ISU Seýldegi koronavırýsqa qatysty jaǵdaıdy únemi baqylaýda ustap, eń sońyna deıin jaqsylyqtan úmittengenin málimdedi. Alaıda, Ońtústik Koreıanyń konkımen júgirýshiler odaǵy Seýldegi quzyrly organdardyń jarys ótýi tıis Mokdong muz aıdyny saraıyn jaýyp, josparlanǵan is-sharalarady tolyǵymen keıinge shegergenin jarııa etti. Osyǵan baılanysty, short-trekten 13-15 naýryz aralyǵynda ótýi tıis álem chempıonaty belgisiz merzimge keıinge qaldy. Ázirge, álemdik dodanyń naqty qashan jáne qaıda ótetini anyqtalǵan joq», - delingen aqparatta.
Eske salaıyq, Ońtústik Koreıada koronavırýs juqtyrǵandar sany 1 146 adamǵa jetti.
Al atalmysh ınfektsııa shyqqan Qytaı elinde sońǵy málimetter boıynsha 78 064 adam vırýsqa shaldyqqan, 2 715 adam kóz jumdy.
