Ońtústik Koreıada prezıdent saılaýyna merziminen buryn daýys berý bastaldy
ASTANA. QazAqparat - Koreıa Respýblıkasynyń birneshe myńdaǵan azamaty eldegi prezıdent saılaýyna merziminen buryn daýys berýge qatysty. Ulttyq saılaý komıssııasy (USK) habarlaǵandaı, jergilikti ýaqytpen tańǵy saǵat 9-da 590 myń adam arnaıy jáshikterge bıýlletenderdi saldy, dep habarlaıdy TASS.
«5 mamyrǵa deıin jalǵasatyn merziminen buryn daýys berýge kóptegen saılaýshylar qatysady dep kútilýde», - dep atap ótti USK.
2014 jyly ótken jergilikti saılaýda elde tirkelgen 42,4 mln adamnyń 11,5 paıyzy nemese saılaýǵa kelgenderdiń 20,2 paıyzy aldyn ala daýys bergen edi. Barlyq bıýlletender mór basylǵan seıfterde saqtalyp, 9 mamyr kúni keshke prezıdent saılaýy aıaqtalǵannan keıin ashylady.
Joǵary memlekettik laýazym úshin 13 úmitker kúresip jatyr. Tirkelgen kandıdattardyń ekeýi saılaýaldy jarysqa qatysýdan bas tartqan.
