Ońtústik Koreıada poıyz temirjolshylar brıgadasyn qaǵyp ketti, qurban bolǵandar bar
ASTANA. 9 jeltoqsan. QazAqparat - Ońtústik Koreıada elektr poıyzy bir top temirjol qyzmetkerlerin qaǵyp ketti, dep habarlady reseılik «Jańalyqtar» agenttigi.
Olardyń 5-ýi qaza tapty, 1-ýi aýyr jaraqattanǵan, dep habarlady KORAIL jergilikti temir jol kompanııasynyń operatory.
Apat túnde, Seýl men Inchhon halyqaralyq áýejaı jolyn jalǵastyratyn turatyn temirjolda bolǵan. Ontústik Koreıanyń astanasynan 27 shaqyrym jerdegi "Gýııan" stansasy aýdanyndaǵy bekette jumysshylar temir joldy qysqy maýsymǵa daıyndap jatqan. Sol kezde kútpegen jerden olardy poıyz qaǵyp ketken. Apattyń naqty saldary anyqtalmaǵan. KORAIL kompanııasynyń málimetinshe, jol boıyna jumysshylar tıisti ruqsatsyz shyqqan.
