Ońtústik Koreıada pandemııa bastalǵaly eń joǵary vırýs juqtyrý kórsetkishi tirkeldi
NUR-SULTAN. QazAqparat - Ońtústik Koreıada koronavırýstyq ınfektsııaǵa shaldyqqandardyń sany artýda. Elde indetti juqtyrýdyń táýliktik ósimi 794 jaǵdaıǵa jetti.
Bul týraly QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııasynyń Telegram kanalyna silteme jasap habarlaıdy.
«Bul – ınfektsııa elge engennen beri eń joǵary kórsetkish. Jańa jaǵdaılardyń 80% Seýlde jáne onyń mańyndaǵy eldi mekenderde anyqtalǵan. Osyǵan qaramastan, bılik jaqyn kúnderi shekteýlerdi jeńildetýdi josparlap otyr. 6 adamnyń qatysýymen ótetin kezdesýlerge ruqsat etiledi dep kútilýde, al tamaqtaný oryndary endi túngi saǵat 10:00-ge deıin emes, 12:00-ge deıin jumys istemek»,-delingen habarlamada.
