Ońtústik Koreıada ótetin bıznes-ıdeıalar baıqaýyna 4 qazaqstandyq qatysady
ASTANA. QazAqparat - Ońtústik Koreıada ótetin bıznes-ıdeıalar baıqaýynyń fınalısteri anyqtaldy. Oǵan Qazaqstan atynan tórt adam qatysady, dep habarlaıdy QazAqparat Habar-24 agenttigine silteme jasap.
Jalpy Ortalyq Azııa elderinen barlyǵy 70 joba kelip túsken. Onyń ishinde 20 ıdeıany qazaqstandyqtar usyndy.
Eske sala keteıik, baıqaýdy Koreıa qory jáne «Koreıa Respýblıkasy - Ortalyq Azııa» yntymaqtastyq forýmynyń hatshylyǵy uıymdastyryp otyr. Qatysýshylar Ońtústik Koreıa men Ortalyq Azııa elderi arasynda yntymaqtastyqty nyǵaıtýǵa baǵyttalǵan jobalardy usyndy. Jeńimpazdar qarasha aıynyń 6-synda belgili bolady. Baıqaýdyń bas júldesi - 5 myń AQSh dollary. Budan basqa, konkýrstyń barlyq qatysýshylary Ońtústik Koreıanyń jetekshi isker keńesshileriniń semınarlaryna qatysady.
«Qazaqstan ókilderi medıtsına, óndiris jáne logıstıka salalary boıynsha tyń jobalardy usyndy. Olardyń ıdeıalary kreatıvti. Sondyqtan qazylar alqasy joǵary baǵalady. Barlyq úmitkerler toptarǵa bólinedi jáne fınalda júldeli oryndar úshin baqy synaıdy», - deıdi qazylar alqasynyń múshesi Chon Chhang.
