Ońtústik Koreıada «Mıtag» taıfýnyna baılanysty 700-ge jýyq áýe reısi toqtatyldy
NUR-SULTAN. QazAqparat – Ońtústik Koreıada «Mıtag» daýylynyń tónýine baılanysty 700-ge jýyq áýe reısi toqtatyldy, dep habarlaıdy QazAqparat Renhap agenttigine silteme jasap.
Taıfýn Chedjýdo aralynan batysqa qaraı aıdynnan ótip Koreıa túbegine saǵatyna 30 shaqyrym jyldamdyqpen jyljyp keledi. Jergilikti ýaqyt boıynsha saǵat 22.00-ge qaraı daýyl Koreıa Respýblıkasynyń ońtústik-batysynda ornalasqan Mokpho qalasyna jetýi kerek. Taıfýnnyń tónýine baılanysty 680 áýe reısi toqtatyldy, Pýsan-Chedjýdo baǵytyndaǵy 69 sý marshrýttarynyń qozǵalysyna shekteý qoıyldy, ulttyq saıabaqtarda 500 jaıaý júrginshi joldary jabyldy. Jergilikti bılik ókilderi birqatar tanymal festıvalderdi keıinge shegerýge májbúr boldy.
Eldiń keıbir aýdandarynda qaýip jóninde eskertý jarııalandy, bılik ókilderi adamdardy asa qajettiliksiz dalaǵa shyqpaýǵa shaqyrady.
