Ońtústik Koreıada MERS indeti údeı tústi
ASTANA. QazAqparat - Ońtústik Koreıada taıaý shyǵys koronavırýsyn juqtyrǵandar sany ótken táýlikte bir adamǵa artyp, 182-ge jetti, dep habarlady senbide Renhap aqparattyq agenttigi.
Sonymen qatar, agenttiktiń derekterine súınesek, indetten qaza bolǵandar sany-31. Táýlik ishinde toǵyz adam saýyǵyp, aýrýhanadan shyǵaryldy. Barlyǵy 90 adam (nemese 49,5 paıyzy) emdeldi. Karantınde 2467 adam bar, ınfektsııa juqtyrdy degen kúdikpen oqshaýlanǵan 12 958 adam karantınnen shyǵaryldy, dep jazdy RIA Novostı. Taıaý shyǵystyq respıratorlyq sındrom koronavırýsynyń bastapqy kezde erekshe belgileri bolmaıdy. Vırýsqa arnalǵan vaktsına joq. Aýrýǵa ımmýnıteti álsiregen, sozylmaly ópke, sýsamyr, búırek jetimsizdigimen aýyratyn adamdar beıim. Álemde DDSU-nyń 20 maýsymdaǵy derekteri boıynsha indetti 1334 adam juqtyrsa, 471 adam qaıtys bolǵan. Taıaý Shyǵysta indetten ólim-jitim 40 paıyzdy qurasa, Ońtústik Koreıada 17 paıyzdy qurady. Vırýs aýa-tamshy jolymen tumaý sııaqty taralady. Juqtyrǵandardyń dene qyzýy kóterilip, jótel paıda bolady, tynys alýy aýyrlaıdy. Alaıda bul belgiler osy aýrýǵa tán ekeni ázirge belgisiz.
