Ońtústik Koreıada mamyrda ınflıatsııa ósimi 5 paıyzdan asýy múmkin

NUR-SULTAN. QazAqparat - Ońtústik Koreıa ınflıatsııalyq qysymdy tejeý jáne halyqtyń ómir súrý deńgeıin turaqtandyrýǵa baǵyttalǵan birqatar sharalar jarııalaýdy josparlap otyr, dep habarlaıdy QazAqparat Yonhap News Agency aqparat agenttigine silteme jasap.

Qarjy mınıstriniń birinshi orynbasary Bang Gı Sýnnyń aıtýynsha, elde azyq-túlik pen basqa da taýarlar baǵasyn shuǵyl turaqtandyrý qajettigi týyndap otyr.

Sheneýnik atap ótkendeı, sarapshylardyń pikirinshe, tutynýshylyq ınflıatsııa mamyrda 5%-dan asyp, ótken aılardaǵy ósý qarqynymen salystyrǵanda (sáýirde – 4,8%, naýryzda – 4,1%) jyldamdap, 2008 jylǵy qyrkúıekte belgilengen deńgeıge jetýi múmkin.

Halyqaralyq valıýta qory Ońtústik Koreıadaǵy ınflıatsııa 2022 jyly 4 paıyzǵa artyp, eldiń ortalyq bankiniń 2 paıyzdyq maqsatty kórsetkishin eki esege arttyrady dep boljaıdy.