Ońtústik Koreıada kóz jumǵan qazaqstandyqtyń denesi elge jetkizildi
«Bul másele birinshi kúnnen bastap bizdiń elshiliktiń baqylaýynda boldy. Keshe bárin sheshtik. Bizdiń otandasymyzdyń denesi Qazaqstanǵa jetkizildi. Almatyda ushaq tańerteń qondy. Búgin tústen keıin Shymentke jetkiziledi», - dep habarlady QR SІM resmı ókili Aıbek Smadııarov.
Onyń aıtýynsha Qazaqstan men Ońtústik Koreıa arasynda aptasyna bir ret qana ushaq qshady.
«Másele bizdiń Seýldegi konsýldyqtyń kúsh salýymen jáne Eır Astana áýe kompanııasynyń qoldaýymen sheshildi. Dıplomattar qaıtys bolǵan jigittiń týǵan-týystarymen habarlasyp otyr», - deıdi Aıbek Smadııarov.
Eske sala ketsek, ótken aıda da Ońtústik Koreıada Qazaqstannyń 2 azamaty qaıtys bolǵan edi. Jergilikti polıtsııanyń qazaqstandyqtarǵa dıplomattarǵa bergen aqparatyna sáıkes, olar jumys ornynda qaýipsizdik erejelerin saqtamaýdyń saldarynan alǵan jaraqattan qaza bolǵan. Atalǵan jaǵdaılar boıynsha tergeý jumystary júrgizilip jatyr.
